اغانى العاب وبرامج افلام من@
 
الرئيسيةس .و .جالأعضاءالمجموعاتبحـثالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» صور غريبه ومضحكه
الأربعاء يناير 19, 2011 1:44 pm من طرف Falcon

» القصر المتحرك
الأربعاء يناير 19, 2011 1:39 pm من طرف Falcon

» صور لعبدت الشيطان
الأربعاء يناير 19, 2011 1:38 pm من طرف Falcon

» الانسان بعد متين سنه هيبقي عامل ازاى
الأربعاء يناير 19, 2011 1:35 pm من طرف Falcon

» مطعم جامد جدااااااااا على قمم السحاب
الأربعاء يناير 19, 2011 1:35 pm من طرف Falcon

» لعبه كلاو لعبه شيقه جدااا
الأربعاء يناير 19, 2011 1:32 pm من طرف Falcon

» برامج جامده التحميل مباشر
الأربعاء يناير 19, 2011 1:28 pm من طرف Falcon

» نامج النهائي ونسختة الأخيرة لمنع قطع النت تماما
الأربعاء يناير 19, 2011 1:27 pm من طرف Falcon

» اقوى برامج الهكر فى العالم
الأربعاء يناير 19, 2011 1:25 pm من طرف Falcon

الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
منتدى

شاطر | 
 

 ورقه .. من ملف القضية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mega
عضو ذهبى
عضو ذهبى
avatar

عدد الرسائل : 87
العمر : 30
تاريخ التسجيل : 10/03/2008

مُساهمةموضوع: ورقه .. من ملف القضية   الخميس مارس 13, 2008 2:52 pm

((ورقه .. من ملف القضية ))

انت شيوعى

انا مصراوى

انتومصايب

انتو بلاوى

ممكن اعرف مين الأول

بيكلمنى

احنا نيابة أمن الدولة

دولة مين

دولة مصر

مصر العشه

ولآ القصر

أيوه حنبدى ندور ونلف

حاجه تنرفز خالص

اف

مالك.. شايل طاجن خالك

لم لسانك ما تخرفش

أنا ما اقصدش اهانتك طبعا

ايوه استعبط

لا ما اعرفش

ايه رأيك فى سفارة كوريا

ايه رأيك فى قضية مصر

مصر فى وحده

هى وسوريا وليبيا

ولازم ييجى النصر

ييجى منين و ازاى ولمين

آدى كلام الشيوعيين

أنا من حقى

حق فى عينك

أنا بتكلم بينى وبينك

يعنى كلام بره التحقيق

اذا كانش يسبب لك ضيق

طيب فول

مين مسؤل ؟

مين مسؤل عن ايه يا أخينا

ع اللى جرى لنا ف غزه وسينا

أنت شيوعى أكيد وطاوعنى

فض دمغك من دى قضيه

شعبنا جاهل

مهما تقول له

مش حيآمن بالشيوعيه

ما الشيوعيه فى فيتنام

ايه رأيك فيهم يا همام

مش بطال مش بطال

لكن احنا .. ورانا عيال

طب ما نحارب

لجل عيالنا

يطلعوا أسعد من اجيالنا

انت الظاهر مخك فاضى

وحتتعبنى معاك ع الفاضى

وأنا بحبت معاك بكفايه

ابقى اتفلسف عند القاضى

هى قضية ؟

لأ ملوخية

آمال فاهم ايه آمال

هى الدوله دى لعب عيال

ممكن أعرف أنا هنا ليه

أيوه حتعرف

أمال ايه

يوم خمسه وعشرين الماضى

ايه مشاك عند التحرير

تحرير ايه يا جناب القاضى

أنا مش فاضى

بكره تصير

بطل غلبه وجاوب دوغرى

أنا غلباوى كده من صغرى

كل الشيوعيين امثالك

آخر غلبه وقلة ذوق

يحصل ايه لو تمشى فى حالك

فاكر نفسك مين

ما تفوق

لو راح افوق

مش من مصلحتك

أما معجب جدا بصراحتك

أيه رأيك فى حكاية الطلبه

حاجه عظيمه بشرة خير

انت دماغك ينفع جزمه

وانت لسانك ينفع سير

أخرس قطع لسانك سافل

كتر خيرك

مخك قافل

مين وداك بقى عند الطلبه

رايح ضمن المندسين

رحت أناقشهم واسمع منهم

تسمع منهم ايه ياسى طين

دول عايزيين الدنيا تولع

علشان اصلا

مش فاهمين

هى الحرب يا عالم لعبه

دى بتتكلف بالملايين

وانت حتدفع ايه من جيبك

امال حدفع من جيب مين

انت حمار وخدوك فى مشمك

رحت هناك زى الباقيين

عاملين لجنه

وقال وطنيه

مش ممكن دول وطنيين

وجماعة انصار الثورة

وفلسطين وهباب الطين

ما نخلينا يا سيدى فى حالنا

مالناومال الفدائين

هو احنا اللى نهبنا بلدهم

دول عالم صيع فاقدين

قتلوا الراجل عند الشيرتون

واحنا اللى طلعنا القاتلين

وصفى التل ده كلب وخاين

اهو كل العالم خاينين

واحد صاحبى مراته مرافقه

وهو مرافق

ييجى عشرين

أمريكا بتزعل وبتحزن

هو احنا يا عالم ناقصين

مش نستعبر

م اللى جرالنا

ونعيش بقى زى العايشين

دى عيال عملا للشيوعيه

واحنا عدو الشيوعيين

روق دمك بس يا بيه

مين مساعدكو بفالو سنين

بيساعدونا صحيح يا سى بعجر

علشان أصلا مش فاهمين

احنا حليتنا منين نديهم

ونسددهم بالملايين

يمكن يعنى قضية مبدأ

مبدأ مين وزكايب مين

هى دى عالم تعرف مبدأ

دول بقول لك

ناس مجانين

اخترعولنا السد العالى

علشان نبقى اشتراكيين

اشتراكيه هناك فى بلدهم

واحنا فى دارنا

نعيش حريين

عايزيين الفلاح الجاهل

يتساوى بالمحترامين

وكمان قال

تحديد ملكيه

أبو ألفين

يدوه خمسين

شغل ملاحده وعالم كفره

ومخالفين احكام الدين

والعمال راخرين اسم الله

فاهمين روحهم

بنى آدميين

ناس عايزين الحرق بولعه

دا كله من الشيوعيين

نشروا لنا الأفكار السوده

أولاد الكلب الملاعين

مين وداك بقى عند الطلبه

انطق قول

اتكلم مين

هما ايه مطالبهم ؟

انت حتستجوبنى يا شاطر

لأ مش قصدى

بس أنا بسأل

كانو طالبين كراريس ومساطر

ولا مطالب ميه الميه

كل الشعب مآمن بيها

دول طالبين حرب وشعبيه

مين مجنون بقى

حيمشيها

عايزين يدوا الرتش سلاح

عشان تحصل فيها مجازر

أنا لو أشوف حلوف فلاح

شايل شومه

لازم اهاجر

لازم بينه وبينك دم

دم ف عينك

هس اتلم

ثم نحارب ليه

وبأيه

بسلاح ما يموتش بعوضه

روق دمك بس يا بيه

الحرب ضروره ومفروضه

واهو نفس سلاحنا المظلوم

فى فيتنام دابح أمريكا

دى طبيعه أرض يابتى آدم

بطلوا بقى كدب وبولوتيكا

طب ما الهند بنفس سلاحنا

فى باكستان

بعزقت الغرب

رأيك يعنى ضرورى ان احنا

وحتما يعنى نخش الحرب

طيب

حاضر

فين المخبر

حتغير رأيك

بالضرب يناير

1973
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
العاشق احمد
نائب المدير
نائب المدير
avatar

عدد الرسائل : 248
العمر : 31
تاريخ التسجيل : 23/11/2007

مُساهمةموضوع: رد: ورقه .. من ملف القضية   الخميس مارس 13, 2008 3:21 pm

ده ملف القضيه بحاله

_________________
تهون الدمعه علي خدى ولا تهونى : تهون الدنيا وتعدى ولا تهونى :
ساموت ويبقي ماكتبته ذكرت فلا تكتب ما تندم عليه وافعل ما شئت لن يحاسبك احد ولكن اعرف انك كما تدين تدان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mega
عضو ذهبى
عضو ذهبى
avatar

عدد الرسائل : 87
العمر : 30
تاريخ التسجيل : 10/03/2008

مُساهمةموضوع: رد: ورقه .. من ملف القضية   الخميس مارس 13, 2008 3:42 pm

صدقنى ورقه بس ولسه فى حقايق كتير انتا متعرفهاش
وانا متاكد بجد من كلامى
مصر بخير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
انجى
عضو جديد
عضو جديد


عدد الرسائل : 2
العمر : 30
تاريخ التسجيل : 20/02/2008

مُساهمةموضوع: رد: ورقه .. من ملف القضية   الخميس مارس 13, 2008 4:07 pm

مصر بخير دايما طبعا طول مالغلاء ده فيها واللا مباله بتاعتنا طبعا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mega
عضو ذهبى
عضو ذهبى
avatar

عدد الرسائل : 87
العمر : 30
تاريخ التسجيل : 10/03/2008

مُساهمةموضوع: رد: ورقه .. من ملف القضية   الخميس مارس 13, 2008 8:15 pm

هه Laughing ههLaughing هه Laughing ههLaughing ههLaughing
مرسى لمرورك يانجى
مصر ياما ياسفينه وربنا هنموت
زى ماقولت وانا عن نفسى هجيبك ياحمد اول واحد
وفرحان اوى انتا بحكايه الادارة والله لاقول انى اخدت
منك فلوس على الكلام ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ورقه .. من ملف القضية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى سحر العيون  :: كلام بكلام هنتكلم :: سحر العيون للكلام فى السياسة-
انتقل الى: